Toshkent viloyati IIBB huzuridagi Tergov boshqarmasi va uning quyi bo‘linmalari tomonidan joriy yilning 9 oyi davomida amalga oshirilgan ishlar va yo‘l qo‘yilgan kamchiliklar muhokama qilindi.
Yig‘ilishda xodimlarning xizmat faoliyati davomida erishgan ijobiy natijalari, tergov ko‘rsatkichlari, tizimda amalga oshirilayotgan islohotlar, yaratilgan shart-sharoitlar xususida so‘z bordi.
Shuningdek, o‘tgan davrda yo‘l qo‘yilgan kamchiliklar tanqidiy tahlil qilindi. Joriy yilning 3-chorak yakunida barcha yo‘nalish bo‘yicha yuqori natijalarga erishgan Tergov jamoalari Tergov boshqarmasi nominatsiyasi va sovg‘alar bilan taqdirlandi.
Yig‘ilish davomida barcha shahar-tuman IIB huzuridagi tergov bo‘limlariga kompyuter jamlanmasi va printerlar, har bir tergovchi va surishtiruvchilarga esdalik uchun bloknotlar tarqatildi.
2023 yilning 9 oyi davomida ijobiy ko‘rsatgichlarga erishib, hamkasblariga o‘rnak bo‘lib kelayotgan xodimlarning ota-onalari viloyat Ichki ishlar bosh boshqarmasi boshlig‘ining faxriy yorliqlari bilan rag‘batlantirildi hamda Tergov sohasida uzoq yillar davomida xizmat qilgan xodimlar munosib ravishda nafaqaga kuzatildi.
O‘zbekiston Respublikasi IIV huzuridagi Tergov departamenti